| تبليغات | X |
ديليمين اوجوندا بير سؤز گؤينهيير
دئسم اؤلدوررلر،دئمهسم اؤللم
«باجايا قويوبلار دمير قفسي
باخسام اؤلدورورلر،باخماسام اؤللم»
( قاراجا اوغلان)
بيريميز دان يئري ،بيريميز قوروب
فيكيرلر قايغي لار بئينيمي يوروب
بير گول قونچهسي سويونوب دوروب
درسم اؤردوررلر درمهسم اؤللم.
آغليم كسيليب حيسسيمه قنيم
دئيير بولودلاردان تورپاغا انيم
كؤنلومو بير گؤزل ايستهيير منيم
وئرسم اؤلدوررلر ،وئرمهسم اؤللم.
خوماردان آليشان بير اوز گؤينهيير
پشيمان قاييدان بيرايز گؤينهيير
ديليمين اوجوندا بير سؤز گؤينهيير
دئسم اؤلدوررلر،دئمهسم اؤللم.
نوسرت كسمنلي
اوره یمده مین نیسگیلیم وار
دئسم اولدوررلر دئمه سم اوللم.
شیرین جانا یانار اودو سالیبدیر
سئوسم اولدوررلر سئومه سم اوللم.
باشیم چیخمیر بو فلگین اوینونا
گاه سالیر بورانا گاه سویوغونا
حسرتیلن گیرسم یارین قوینونا
گیرسم اولدوررلر گیرمه سم اوللم.
«امراه» ام چکه رم مین آهی زاری
آختاریر گوزلریم تاپمیری یاری
قوینوندا «سلبی» نین او بیر جوت ناری
درسم اولدوررلر درمه سم اوللم.
توپلایان آخارسو زنگانلی